Arteta e do mesfushorin Partey te Arsenali

Trajneri i Arsenalit, Mikel Arteta është i etur për të sjellë mesfushorin e Atletico Madridit, Thomas Partey, në Angli.

Partey pëlqehet shumë nga trajneri spanjoll, por gjithçka do të varet nga çmimi që do t’i vendos Atletico lojtarit në rast largimi.

Interesimi i madh i Artetas dhe klubit londinez është konfirmuar nga eksperti italian i transferimeve, Gianluca Di Marzio.

Lexo po ashtu Partey po shkëlqen, Reali dhe Arsenali gati ta paguajnë klauzolën e ganezit

“Arsenali e dëshiron shumë atë. Çdo lojtar i Atletico Madridit është në treg”, ka thënë fillimisht Di Marzio për Sky Italia.

“Pra, varet shumë nga oferta. Atletico është e hapur për të shitur çdo lojtar nëse oferta është e mirë”.

“Kjo gjithashtu varet nga buxheti – sa mund të përballojë Arsenali ? Dhe sa dëshiron Atletico?”.

“Atletico do të dëshirojë para, kështu që është e vështirë t’i shohësh ata duke bërë një marrëveshje që përfshin lojtarë tjerë si pjesë e saj”.

Lexo po ashtu Arsenali dhe Atletico planifikojnë një shkëmbim të bujshëm

“Ata janë shumë të zgjuar kur bëhet fjalë për të bërë marrëveshje dhe nuk do të jetë befasi nëse Thomas Partey do të qëndronte”.

“Ai është i ri, ai nuk është si Diego Costa dhe ata mund ta shesin atë vitin e ardhshëm nëse dëshirojnë ose pas dy viteve. Kështu që ata janë nën kontroll”, përfundoi eksperti italian. /Telegrafi/