Arsyet pse punëtorët më të mirë japin dorëheqje

Të humbësh një punëtor të shkëlqyer është diçka e tmerrshme. Ka shpenzime të gjesh dhe trajnosh një zëvendësues. Është gjithashtu pasiguria se si do t’ia dalë ky punëtorë i ri. Ka gjithashtu vështirësi me pjesën tjetër të personelit derisa të zëvendësohet vendi i tij.

Ndonjëherë mund të jetë vetëm një arsye – personi nuk përshtatej mirë me ekipin, apo u largua per arsye personale ose i është ofruar një mundësi më mirë punësimi. Në këto raste edhe pse është një tranzicion i vështirë, mbetet një veprim i drejtë.

Po çfarë ndodh me pjesën tjetër? Të mbash të punësuarit e tu më të mirë fillimisht duhet të kuptosh pse ata mund të largohen. Telegrafi sjell shtatë arsyet se pse punëtorët më të mirë japin dorëheqje.

Punëtorët ngecin në vend

Njerëzit nuk duan të ushtrojnë të njëjtin zakon, të shkojnë në të njëjtin vend dhe të bëjnë të njëjtën gjë për 20 apo 40 vite. Njerëzit duan të ndjejnë së janë në lëvizje dhe po zhvillohen në jetën e tyre profesionale. Ata duan t’i bëjnë gjërat me dëshirë. Në qoftë se nuk ka shkallë të karrierës apo një trampolinë për të avancuar, ata e dinë që duhet të kërkojnë diku tjetër. Por gjatë kësaj kohe, ata synojnë të mërziten, të lodhen dhe sjellje të ngjashme që ndikojnë në efektivitetin dhe moralin e skuadrës.

Puna me orar të zgjatur

Periudha stresi dhe lodhjeje shoqërojnë çdo punë, por asgjë nuk i ndjek me shpejt të punësuarit sesa oraret e zgjatura. Dhe zakonisht janë ata më të mirët, më të aftët, më të përkushtuarit dhe ata më të besuarit që punojnë me orar të zgjatur. Në qoftë se ata e gjejnë vazhdimisht veten të mbingarkuar me punë, sidomos në mungesë të avancimit apo rritjes së pagës, ata do të ndihen të shfrytëzuar, përcjell Telegrafi.

Vizionet e paqarta

Nuk ka gjë më frustuese se një vend pune i mbushur me vizione dhe ëndrra të mëdha, por pa mundësi zhvillimi të këtyre aspiratave që mund t’i bëjnë ato të arritshme. Pa një lidhje, pjesa tjetër janë vetëm fjalë. Cili person i talentuar dëshiron të harxhoj energjinë e tij apo saj në mbështetje të diçkaje të papërcaktuar? Njerëzit duan të punojnë për të krijuar diçka, jo thjeshtë të qendrojnë në vend.

Njerëzit që përfitojnë

Kur një organizatë vlerëson më shumë servilet sesa pjesën tjetër, të punësuarit më të mirë shkojnë diku tjetër, duke lënë pas ata që janë mediokër dhe apatik për të gjetur një pozicion më të mirë. Rezultati që mbetet është një performancë e ulët, moral i ulët dhe probleme me disiplinën. Sigurisht gjëra si përfitimet, outputet, raportet e mira me palët e interesuar dhe produktiviteti janë të rëndësishme, por suksesi së fundmi varet te njerëzit që dinë të punojnë.

Rrethi i njohjeve

Edhe njerëzit më vetëmohues duan të njihen dhe vlerësohen për një punë të bërë mirë. Kjo është pjesë e të qenit njeri. Kur dështon në njohjen e të punësuarve të tu, nuk po dështon vetëm në motivimin e tyre, por gjithashtu po humbet mënyrën më efektive për të rritur performancën në punë. Edhe në mungesë të buxhetit për rritje rrogash apo shtesa tjera financiare, ka shumë mënyra “low-cost” për t’u lidhur me të punësuarit dhe fjalët e mira nuk kushtojnë para. Njerëzit nuk përkushtohen në qoftë se nuk vlerësohen, përcjell Telegrafi.

Rrethi i besimit

Të punësuarit kanë një pikë avantazhi sepse shikojnë sjelljen tuaj dhe e peshojnë atë krah angazhimeve tuaja. Në qoftë se ata ju shikojnë duke u sjell në mënyrë joetike me shitësit, duke gënjyer bashkëpunëtorët, duke mashtruar klientët ose duke mos e mbajtur fjalën, më i miri prej tyre do të largohet. Pjesa tjetër, akoma më keq, do të rri duke ndjekur hapat tuaj.

Hierarkia e tepërt

Çdo vend pune ka nevojë për një strukturë dhe udhëheqje, por një organizatë me drejtim vertikal i bën të punësuarit jo të lumtur. Në qoftë se të punësuarit tuaj më të mirë nuk kontribuojnë idetë e tyre ne produktin përfundimtar, në qoftë se nuk ju lejohet të marrin vendime, ata nuk do të kenë për çfarë të jenë të lumtur.

Përfundimisht, shumë njerëz largohen nga vendi i punës prej shefit, jo prej punës apo organizatës.

Pyete veten, çfarë gabimi po bën që mund t’i largojë njerëzit e tu më të mirë dhe fillo të bësh ndryshime të nevojshme për t’i mbajtur ata? /Telegrafi/