Arsyeja e trishtueshme pse Virgil van Dijk nuk e ka mbiemrin e tij në pjesën e pasme të fanellës së Liverpoolit

Është zbuluar arsyeja e vërtetë pse kapiteni i Liverpoolit, Virgil van Dijk, nuk e mban mbiemrin e tij në pjesën e pasme të fanellës, dhe është zemërthyese.

Pasi ka kaluar shtatë vjet në Liverpool, holandezi është një nga lojtarët me shërbimin më të gjatë në skuadrën e Slot, duke bërë mbi 300 paraqitje për Reds.

Një gjë që u ka rënë në sy tifozëve gjatë kësaj kohe, është vendimi i holandezit për të printuar emrin e tij të parë në pjesën e pasme të fanellës së Liverpoolit, në vend të mbiemrit të tij siç bëhet zakonisht nga futbollistët.

Por një anëtar i ngushtë i familjes ka folur më parë për të treguar se arsyeja pse Van Dijk vendosi të heqë emrin e tij të dytë për shkak të marrëdhënies me të atin.

Duke folur për The Sun në vitin 2018, xhaxhai i tij Steven Fo Sieeuw, tha: “Babai i tij u nda me nënën dhe tre fëmijët, përfshirë Virgil”.

“E vërteta është se babai i tij nuk ishte pranë për kaq shumë vite të rëndësishme, dhe është nëna e tij, ajo që është heroi i vërtetë i kësaj historie”.

“Nuk e heq emrin e babait nga fanella pa arsye dhe Virgil e ka bërë shumë të qartë se si ndihet”, ka potencuar më tej ai.

Edhe pse arsyetimi i kapitenit të Liverpoolit për heqjen e mbiemrit të babait të tij nga fanella është vërtet i trishtuar, ai nuk e ka lejuar atë të ndikojë në paraqitjet e tij në fushë, pasi ka vazhduar të shijojë një karrierë të shkëlqyer me Reds.

Në shtatë vitet e tij në Anfield, Van Dijk ka fituar tetë trofe duke përfshirë Ligën Premier dhe Ligën e Kampionëve. Gjatë kësaj kohe, 33-vjeçari ka marrë edhe disa çmime individuale, duke përfshirë Lojtarin më të mirë të UEFA-s në Evropë në vitin 2019. /Telegrafi/