Arsenali me ultimatum për Aubameyang dhe Ozil, ose rinovim ose do të shiten

Shefat e Arsenalit, Vinai Venkatesham dhe Raul Sanllehi, e kanë potencuar nevojën që klubi të jetë efikas në afatin kalimtar veror duke bërë të ditur se nuk do të lejojnë përsëritjen e rasteve, si Alexis Sanchez e Aaron Ramsey.

Topçinjtë dështuan të fitonin para nga largimi i kilianit në vitin e kaluar (i cili iu bashkua Manchester Unitedit në formë shkëmbimi me Henrikh Mkhitaryan), derisa uellsiani do të luajë te Juventusi nga sezoni i ardhshëm, ku u transferua si lojtar i lirë.

Lexo po ashtu Të gjitha lajmet nga Arsenal

Venkatesham ka thënë se klubi duhet të mos lejojë që situata të këtilla të ndodhin në të ardhmen, ashtu që u ka thënë ultimatum dyshes Pierre-Emerick Aubameyang dhe Mesut Ozil, të cilët i kanë edhe dy vite në kontratat e tyre.

Nga dy futbollistët kërkohet që ose t’i rinovojnë kontratat ose do të vendosen në listën e shitjeve.

“Ose duhet t’ua rinovojmë kontratat këtyre lojtarëve ose duhet t’i shesim. Prandaj duhet të jemi të guximshëm me vendimet e këtilla në vazhdim, sepse nuk bën të jemi në situata që t’i lejojmë lojtarët të largohen pa para, pos në rastet kur janë në fund të karrierës së tyre”, është shprehur Venkatesham për faqen zyrtare të klubit. /Telegrafi/