Arsenali ka arritur të shënojë fitore ndaj Napolit në ndeshjen e parë çerekfinale të Ligës së Evropës me rezultat 2-0.
Topçinjtë ishin më të mirë prej fillimit deri në fund duke i radhitur rastet para portës së Alex Meret.
Arsenalit iu deshën vetëm 15 minuta ta gjejnë golin e parë.
Një aksion i bukur i tyre u shndërrua në gol pas asistimit të Maitland-Niles drejt Aaron Ramseyt.
Aaron Ramsey . (Photo by Catherine Ivill/Getty Images)
Nuk vonoi shumë dhe erdhi edhe goli i dytë. Kalidou Koulibaly shënoi në portën e tij pas një goditje të Torreiras.
Lucas Torreira . (Photo by Justin Setterfield/Getty Images)
Pjesa e parë u mbyll me këtë rezultat.
Në pjesën e dytë edhe pse skuadrat u hapën dhe kishte shumë raste, nuk erdhi asnjë gol.
Mesut Ozil . (Photo by Justin Setterfield/Getty Images)
Ramsey dhe Aubameyang kishin raste të mira në fund, por goditjet e tyre nuk e qëlluan kuadratin.
Aubameyang e Hysaj . (Photo by Justin Setterfield/Getty Images)
Arsenali do të udhëtojë te Napoli me një rezultat shumë të mirë nga ndeshja e parë. /Telegrafi/
