Arsenali ka arritur të fitoj 2-1 në udhëtim ndaj Prestonit dhe kështu ka siguruar kalimin tutje në Kupën FA.
Pjesa e parë e takimit ishte plotësisht e barabartë për nga paraqitja, por vendasit e Prestonit ishin më të saktë para golit, duke shënuar një të tillë në këtë pjesë.
Ishte sulmuesi i ri anglez, Callum Robinson, i cili shënoi në minutën e shtatë dhe kaloi skuadrën e tij në epërsi, teksa me këtë gol skuadrat shkuan në pushimin mes dy pjesëve.
Në pjesën e dytë, futbollistët e Arsenalit kishin marr me përpikëri këshillat e trajnerit, Arsene Wenger, duke dominuar plotësisht këtë pjesë.
Këtë e tregoi goli i menjëhershëm i cili u shënua me të filluar kjo pjesë, ku në minutën e 46-të ishte mesfushori Aaron Ramsey, i cili shënoi një supergol për të barazuar rezultatin në 1-1.
Në vazhdim të takimit, Arsenali rriti sulmet në drejtim të portës së vendasve, por golin e fitores e arriti vetëm në minutën e 89-të me anë të sulmuesit Olivier Giroud, i cili shënoi nga afërsia dhe ia siguroi kualifikimin skuadrës londineze.
Vlen të theksohet se në këtë takim për 90-të minuta luajtën edhe dy futbollistët shqiptarë, Granit Xhaka dhe Shkodran Mustafi. /Telegrafi/
https://www.dailymotion.com/video/x57q4j5_callum-robinson-goal-vs-arsenal-1-0_sport
