Arsenali i falet gabimeve të Watfordit, fitore për vendin e katërt

Arsenali ka arritur të shënojë fitore në ndeshjen e javës së 33-të në Ligën Premier, duke e mposhtur Watfordin si mysafir me rezultat 1-0.

Ndeshja nisi shumë mirë për Arsenalin që arriti të shënojë që në minutën e 10-të.

Një gabim trashanik i Ben Foster, bëri që Pierre-Emerick Aubameyang, të shënojë për 1-0.

Por fati i Arsenalit zgjati edhe një minutë më pas.

https://twitter.com/ArsenaIGoalsTM/status/1117868797375815681

Sulmuesi Troy Deeney mori karton të kuq pas një goditje me bërryl në fytyrë ndaj Lucas Torreiras.

Në minutën e 26-të Arsenali rrezikoi përsëri. Foster bëri një pritje të madhe pas goditjes së Alex Iwobit.

https://twitter.com/ArsenalPoland/status/1117870152081530880

Watford u kundërpërgjigj me Etienne Capoue, por as ky nuk arriti t’i ndryshojë shifrat.

Pjesa e parë u mbyll me epërsinë e Arsenalit.

Mkhitaryan në pjesën e dytë e kishte rastin më të mirë për Arsenalin, por Foster ia mohoi golin në minutën e 57-të.

Adam Masina në minutën e 62-të rrezikoi për vendasit, por as ky nuk kishte sukses.

Në fund provoi edhe Andre Gray i Watford, por shifrat nuk ndryshuan.

Pas kësaj fitoreje Arsenali ngjitet në pozitën e katërt në Ligën Premier me 66 pikë, aq sa ka edhe Chelsea që është një pozitë më poshtë. /Telegrafi/