Arrihet marrëveshja mes palëve, Eric Garcia mund të quhet lojtar i ri i Barcelonës

Barcelona më në fund ka gjetur marrëveshjen me mbrojtësin Eric Garcia.

Qendërmbrojtësi i talentuar spanjoll ishte larguar vite më parë nga akademia ‘La Masia’ për t’iu bashkuar Manchester Cityt.

Ka qenë eksperti i transferimeve, Fabrizio Romano që ka dhënë lajmin se katalunasin tanimë kanë arritur marrëveshje personale me Garcian.

Lojtari i ka dhënë fjalën Barcelonës për një kontratë pesë vjeçare ku janë marrë vesh edhe për detajet financiare.

Tani i mbetet katalunasve të tentojnë transferimin e tij në janar, por Manchester City po insiston të paguhet shuma prej 15 milionë euro.

Në anën tjetër Barça nuk është e gatshme të paguaj më shumë se shtatë milionë euro në janar.

Dy klubet do të kenë një tjetër takim dhe nëse nuk arrihet një marrëveshje, atëherë katalunasit do të presin deri në verë që ta marrin Garcian si futbollist të lirë.

19-vjeçari tanimë është e sigurt se do të jetë një lojtar i ri i Barçës duke refuzuar ofertat nga Liverpool e Arsenal, por mbetet të shihet vetëm muaji kur do të bëhet zyrtarizimi i tij, në janar apo në qershor të vitit 2021. /Telegrafi/