Nga kampi i socialistëve, i vetmi që u ndal të komentonte gjerë e gjatë për mediat arrestimin e ish-ministrit të Shëndetësisë Ilir Beqaj, ishte Erion Braçe.
Ai u shpreh se nëse vërtetë kemi të bëjmë me vjedhje të fondeve që Bashkimi Evropian ka lëshuar për Shqipërinë, e që duhej të menaxhoheshin nga agjencia SASPAC, atëherë hetimi duhet të jetë shumë serioz.
“Me thënë të drejtën kam parë vetëm këto lajmet e para që kanë dalë, duhet të kemi informacion më tepër. Video me pranga në duar nuk përbën argument për atë që po më pyesin. Po më pyesni për thelbin e gjësë, vjedhjen e fondeve të BE-së. Sa kohë që bëhet fjalë për vjedhje duhet informacion më i detajuar sesa ai që është publikuar për të kuptuar se çfarë ka ndodhur. Përtej kësaj, patjetër që reforma në drejtësi për kë u bë? Për të vënë para drejtësisë abuzuesit. Patjetër që kur ka implikime lidhur me ato që janë programe, apo fonde buxhetore të Bashkimit Evropian duhet parë shumë seriozisht gjëja që të përmbushim atë detyrimin që BE vendos për paratë e veta, qoftë te fondet e bujqësisë qoftë të fondet e tjera të BE që përdoren në territorin e Republikës së Shqipërisë.”
Teksa shumica e kolegëve të tij heshtën, ndërsa të tjerë ia lanë në dorë drejtësisë fatin e Beqajt, Braçe është i mendimit se Partia Socialiste ka përgjegjësi morale sa kohë ish-ministri po hetohet për këtë skandal korruptiv.
“Patjetër që PS duhet të mbajë përgjegjësi morale. PS po e mban këtë përgjegjësi pa më të voglin diskutim dhe jam i bindur që kur paraqitemi para një gare elektorale, gjithsecili do marri kosto. PS është angazhuar në një proces të thellë reformimi, jo vetëm brenda saj por edhe të qeverisjes dhe legjislacionit për të adresuar problematikën e madhe të korrupsionit.”
Në fund Braçe nuk e shmangu revoltën e tij për Prokurorinë e Posaçme, duke kërkuar prej tyre që të hetohen edhe çështje si 21 Janari, dosje për të cilën tha se përgjegjësit që kanë marrë jetë njerëzish ushtrojnë sot detyrën në Parlament.
“Peshorja ka humbur ekuilibrin sa kohë në këtë vend merren jetë njerëzish dhe nuk mbahen përgjegjës. Përkundrazi pjesa më e madhe janë në sallën e parlamentit. Jo këtë s’dua ta them. Dua të them që drejtësia duhet të jetë gjithëpërfshirëse dhe të mbajë përgjegjës duke nisur nga ngjarjet më të rënda që kanë shënjuar historinë e këtij vendi. Jeta e njerëzve është parësore, këtu nga pushtetit është marrë jeta e njerëzve për të vjedhur dhe mbajtur pushtetin.” /Telegrafi/
Lufta Prigozhin - Putin
Më shumë“Sot po më lëshuan në vikend, kthehem një orë përpara”, çfarë kishte thënë më parë për arratisjet e tij Faton Hajrizi
Çka ndodhi kur policia serbe ia mori aparatin fotografik Eliza Hoxhës gjatë protestës së grave në vitin 1998?
Për të nëntën herë ik nga burgu Faton Hajrizi
Analistët nuk e mirëpresin vazhdimin e mandatit të Lajçakut
Kurti para Internacionales Socialiste: Progresi i Kosovës po e zemëron Beogradin
Çanak: Serbia s’ka marrë mësim nga sulmi në Banjskë, grupe terroriste serbe mund ta sulmojnë sërish Kosovën
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Notat e lojtarëve, Portugali 0-0 Francë: Dembele dhe Maignan më të mirët, Ronaldo lamtumirë me paraqitje të dobët
A ishte penallti prekja me dorë e Marc Cucurellas që nuk u akordua nga gjyqtari?
Tifozët dalluan një detaj të çmendur në festën e golit të Mikel Merinos
Mori një goditje të rëndë nga Kroos, mësohet shkalla e lëndimit të Pedrit
Policia jep detaje për vrasjen e sotme në Tetovë
Ponosh: Vuçiq praktikisht e ka njohur Kosovën