Armani kthen fabrikat në “punishte” kundër coronavirusit, do prodhojnë veshje spitalore

Nuk u mjaftua me donacionet për spitalet e Bergamos, Piacenzas dhe Versilias, që mbërritën në total shumën e 2 milionë eurove

Giorgio Armani ka dashur ta shtojë kontributin e tij në betejën kundër coronavirusit dhe për këtë arsye, ka vendosur që të gjithë fabrikat e veta të prodhojnë në këtë periudhë veshje spitalore njëpërdorimshme.

Armani, një ikonë e modës italiane në mbarë botën, tha se do të punohet intensivisht me qëllimin t`i ofrohet mbrojtje punonjësve shëndetësorë që janë në vijën e parë të frontit në luftën me sëmundjen.

Ditë më parë, Armani u kishte dërguar një letër gazetave kryesore në vend, në të cilën falënderonte mjekët dhe infermierët për sakrificat e tyre.

“ Është prekëse t`ju shohësh kaq të impenjuar në punën tuaj, me vështirësitë dhe sforcimet që tashmë i njohin të gjithë. Por mbi të gjitha, është prekëse t`ju shohësh duke qarë”, shprehej ai.

“ Mendoj se kjo ndjenjë e imja lidhet paksa edhe me dëshirën që kam pasur kur isha i ri për të ndjekur karrierën si mjek, atëherë kur isha ende duke kërkuar rrugën time. E gjithë kompania jonë është shumë e ndjeshme ndaj këtij realiteti dhe është pranë jush, nga ai që mban barelën tek infermierët, nga mjekët e përgjithshëm tek specialistët e sektorit. Unë vetë personalisht janë shumë pranë jush”, shkruante stilisti i famshëm.