Ashtu siç edhe ishte paralajmëruar prej disa ditësh, këngëtarja e njohur shqiptare, Arilena Ara, dhe reperi Noizy kanë publikuar bashkëpunimin e tyre të radhës.
"Murderer" mban titullin kënga e tyre e re, e cila përkthyer në shqip do të thotë "vrasë", ndërsa vjen për publikun e gërshetuar në dy gjuhë: shqip dhe anglisht.
Kënga është e miksuar mes zhanreve RnB dhe hip-hop, teksa për të kanë punuar producentët Mixey dhe Apollo.
Ndërkohë teksti është shkruar nga: Arilena Ara, Noizy, Mixey, dhe Ylli Limani, dhe për orkestrimin është kujdesur kompozitori i njohur maqedonas, Darko Dimitrov.
Ky bashkëpunim është vizualizuar edhe me një klip, i cili është mjaft interesant dhe i përshtatet tematikës që kënga trajton.
Ana vizuale i është besuar produksionit kosovar, Imagine Films.
"Murderer" është vetëm një nga këngët e albumit më të ri të Arilenës, i tutulluar "Pop Art", i cili i plotë do të publikohet për fansat së shpejti. /Telegrafi/
