Aretha Franklin do të përcillet për në banesën e fundit me mbi 100 vetura Cadillac

Më shumë se 100 Cadillac ngjyrë rozë do ta shoqërojnë Aretha Franklin drejt banesës së fundit gjatë ditës së sotme në Detroit të SHBA-ve.

Siç shkruajnë mediat amerikane, automjetet do të parkohen në vijën para kishës, ku për shumë vite këngëtarja e ndjerë kishte kryer ritualet fetare gjatë ditës së diele.

Organizatorët e kësaj ngjarjeje janë Crisette Ellis dhe burri i saj që ka një veturë të tillë dhe përmes rrjeteve sociale u ka bërë thirrje që ta ndjekin shembullin e tij.

Gjithashtu është planifikuar të mbahet një koncert në kujtim të yllit të madh muzikor, ku do të perfomojnë Stevie Wonder, Ariana Grande, Jennifer Hudson, Faith Hill, Chaka Khan, Shirley Caesar, Yolanda Adams, Marvin Sapp, Vanessa Bell Armstrong.

Mijëra tifozë kanë kryer homazhe në Muzeun e Historisë së Afrikano-Amerikan ku trupi i saj u ekspozua për dy ditë rresht.

Lexo po ashtu Shtatë gjëra që duhet t’i dini për Aretha Franklin

Pas kësaj mbretëresha e muzikës Soul, e cila ndërroi jetë në moshën 76-vjeçare, do të varroset në varreza.

Një numër i madh i stacioneve televizive do të transferojnë funeralin e saj gjersa do të mban fjalim edhe ish-presidenti amerikan, Bill Clinton. /Telegrafi/