Apple sjell syze për 499 dollarë

Kompania amerikane planifikon të nxjerrë syzet e saj të para Apple Glass. 

Sipas informacionit, syzet do të quhen Apple Glass dhe pritet të kenë një çmim prej 499 dollarësh.

Sipas blogerit Jon Prosser, Apple Glass vijnë me një sensor të integruar.

Blogeri pretendon se ka parë tashmë një video të prototipit që tregon syzet me një kornizë plastike.

Sidoqoftë, materiali akoma mund të ndryshojë, veçanërisht pasi produkti me siguri nuk do të jetë në dispozicion deri në fund të vitit 2021, transmeton Telegrafi.

Nëse Prosser ka të drejtë në lidhje me këto lajme që po qarkullojnë në internet, Apple patjetër që ka një problem të brendshëm.

Kjo sepse ndryshe nga shumë blogerë të tjerë të teknologjisë, të cilat shpesh marrin informacionin e tyre nga furnitorët aziatikë, detajet e publikuara nga blogeri duhet të vijnë direkt nga grupi.

Kohët e fundit, Prosser kishte publikuar të gjitha të dhënat teknike dhe të gjitha çmimet për modelet e planifikuara të iPhone 12.

Në të kaluarën, shumica e informacioneve nga ky bloger kishin qenë të sakta. /Telegrafi/