Deloitte ka lansuar garën e saj vjetore ‘Technology Fast 50 Central Europe’. Kjo garë e njohur rajonale, e cila tashmë është në vitin e saj të 24-të, rendit kompanitë me rritje të shpejtë në sektorin e teknologjisë. Ajo u ofron kompanive të krijuara dhe atyre në zhvillim një platformë për të shfaqur pozicionin e tyre udhëheqës në industrinë e teknologjisë.
Prishtinë, 7 gusht 2023 - Deloitte ka hapur procesin e aplikimit online për edicionin 2023 të ‘Technology Fast 50 Central Europe’. Për 24 vite me radhë, Deloitte drejton këtë program në vendet të Evropës Qendrore si: Bosnjë Hercegovinë, Bullgari, Kroaci, Republikë Çeke, Estoni, Hungari, Kosovë, Letoni, Lituani, Maqedoni e Veriut, Moldavi, Mal të Zi, Poloni, Rumani, Shqipëri, Serbi, Sllovaki dhe Slloveni.
Google Cloud është partner zyrtar rajonal edhe për edicionin e këtij viti dhe për të tretin vit radhazi. Partneriteti me Google Cloud rrit dhe zgjeron shtrirjen e Programit, duke vënë në pah kompanitë me potencialin më të madh të biznesit.
Më shumë rreth ‘Technology Fast 50 Central Europe’
Deloitte 'Technology Fast 50 Central Europe' është një program që rendit 50 kompanitë e teknologjisë (publike ose private) me rritjen më të shpejtë të përqindjes së të ardhurave gjatë katër vite. Në këtë program përfshihen të gjithë sektorët e kësaj industrie - komunikimet, teknologjia mjedisore, fintech, hardware, software, kujdesi shëndetësor dhe shkencat e jetës, media dhe argëtimi. Në renditjen e këtij viti do të analizohen të ardhurat e kompanive nga viti 2019 deri në 2022.
Detajet e garës
Gara ka katër kategori:
1. Fast 50 – kategoria kryesore
2. Companies to Watch - (apo “Kompanitë për tu parë”)
3. Impact Stars – çmim special
4. CE TEch Rocketship - njohje speciale
Detajet e aplikimit:
Të gjitha detajet dhe kriteret për secilën kategori si dhe fituesit e kësaj gare ndër vite mund ti gjeni në ueb faqen rajonale Technology Fast 50 Ju mund të aplikoni online këtu.
Procesi i aplikimit do të mbyllet me 31 gusht 2023. Rezultatet e renditjes do të shpallen më 23 nëntor 2023.
