Angjushev: Para fituan kompanitë me prodhime të reja, dhe jo kompanitë të afërta me qeverinë

Sot Zëvendës Kryeministri për Çështje Ekonomike Koço Angjushev tha “se mjete nga Fondi për Inovacione kanë fituar kompanitë që kanë prodhime të reja, dhe jo kompani të afërta me Qeverinë”.

Duke u përgjigjur në pyetjen e deputetit, Angjushev tha se mes kompanive që kanë fituar mjete ka shumë nga ata pronarët që janë nga qeverisja e kaluar, por nuk është korrekte të përmenden emrat e tyre për shkak se ju bën dëm, përcjell Telegrafi Maqedoni.

Në kontekstin e akuzave se mjete kanë fituar kompani të afërta me Qeverinë, zëvendës Kryeministri apeloj që të mos shtrembërohet e vërteta, posaçërisht kur nuk ka argumente, që qytetarët të mos marrin përshtypje të keqe. Ajo që disa kompani i tërhoqën projektet e tyre investuese, tha Angjushev, është më shumë për senzivitetin e publikut, dhe jo për shkak të aspektit të ligjor apo se nuk janë respektuar ligjet në procedurë.

Lexo po ashtu Dy kompani tërhoqën projektet e tyre nga Fondi për Inovacione

“Nuk kanë fituar vetëm kompanitë që janë të afërta me Qeverinë, dhe kjo nuk ka qenë kriter. Po përgjigjem me përgjegjësi se as nuk e kam ditur se kush ka aplikuar, as kush ka marr pjesë në procesin e evaluimit. Për herë të parë në këtë shtet kompanitë e Maqedonisë u barazuan me kompanitë e huaja”, tha Angjushev duke u përgjigjur ndaj pyetjes së Dragan Cuklevit.

Ai tha se Qeveria ka trashëguar 225 milionë euro të para të harxhuara dhe 23 marrëveshje të klasifikuara.

“Ajo ishte politika e Qeverisë së kaluar. Tash për herë të parë në historinë e Maqedonisë ka ligji që është transparent de para në Fondin për Inovacione” potencoi zëvendës Kryeministri Koço Angjushev./Telegrafi/