Angellovska: Qeveria e ka pezulluar tatimin progresiv për të ardhurat personale

Qeveria e ka pezulluar tatimin progresiv për 36 muaj, gjegjësisht deri më 1 janar 2023. Siç tha ministrja e Financave Nina Angellovska, me këtë masë nuk është arritur rezultati i dëshiruar.

Ajo shtoi se nuk bëhet fjalë për shfuqizim, por për shtyrje të këtij lloji të tatimit, derisa të adaptohet zbatimi i tij, përcjell Telegrafi Maqedoni.

“Kishte reagime tronditëse nga qytetarët se ato ishin bërë pa konsultë, ndërsa kompanitë reaguan për paparashikueshmërisë. Ka pasur spekulime se do të ketë evazion fiskal, me transferime të kompanive në vendet e huaja, pasi ne e dimë sot se si është kapitali i lëvizshëm. Personalisht, unë ndjeva se kushtet nuk ishin krijuar sepse ne duhej t’i kushtonim vëmendje kohës”, tha Angellovska.

Analiza e ministres tregoi se tatimi progresiv i të ardhurave personale zvogëlonte pabarazinë me vetëm një përqind, dhe 50 përqind humbiste të ardhurat që mund të ishin mbledhur duke shmangur tatimpaguesit kalimin në një sistem tjetër ose transferimin e të drejtave të autorit dhe të ardhura nga qiraja në personat e tjerë.

Ajo tha se Qeveria mbetet në qëndrimin se ky tatim duhet të zbatohet, por se për momentin nuk janë përmbushur kushtet për këtë./Telegrafi/