Sampdoria ka konfirmuar se Andrea Pirlo është shkarkuar nga detyra e tij si trajner pas 14 muajsh në krye të klubit të Serie B. Ish-reprezentuesi legjendar i Italisë largohet nga klubi pas një fillimi të vështirë në sezonin 2024-25, pasi ka marrë vetëm një pikë nga tre ndeshjet hapëse, gjë që e ka lënë Sampdorian të dytën nga fundi në nivelin e dytë. Sampdoria barazoi me në ndeshjen hapjes të sezonit, por më pas pësoi humbje nga Reggiana dhe Salernitana.
Sampdoria gjithashtu nuk arriti të promovohej sezonin e kaluar, duke e përfunduar sezonin në vendin e shtatë me 55 pikë, 18 më pak se Como.
Sampdoria ka konfirmuar se stafi i trajnerëve të Pirlos janë larguar të gjithë nga klubi gjithashtu, përkatësisht Roberto Baronio, Mauro Bertoni, Nicola Pavarini dhe Raffaele Clemente. Sampdoria ishte skuadra e tretë që Pirlo ka drejtuar, pas periudhave të tij në krye të Juventusit dhe Fatih Kamagumruk në Super Ligën Turke.
Andrea Sottil është favorit për të zëvendësuar Pirlon te Sampdoria. /Telegrafi/
Top Lajme
Promo Reklamo këtu
Jobs
Deals
