Ancelotti beson se tifozët e Real Madridit janë të sigurt në fitimin e titullit në La Liga

Trajneri i Real Madridit, Carlo Ancelotti beson se tifozët e Los Blancos janë të bindur se ekipi do të vazhdojë formën dhe të fitojë titullin e La Ligës këtë sezon.

Skuadra e Ancelottit krijoi një epërsi prej tetë pikësh në krye të tabelës me një fitore dominuese 4-1 në shtëpi ndaj Real Sociedadit.

Tre pikët kundër gjigantëve baskë do t’i ofrojnë skuadrës së Ancelottit një rritje të madhe të besimit përpara ndeshjes kthyese të 1/8-tës në Ligën e Kampionëve kundër Paris Saint-Germain në mesjavë.

Lexo po ashtu Real Madridi fiton me rikthim dhe thellë ndaj Real Sociedadit

“Ishte një ndeshje e rëndësishme sepse ne patëm mundësinë të përfitonim në La Liga. E kuptuam rëndësinë e ndeshjes dhe fitorja na jep shumë shpresë”, ka thënë fillimisht Ancelotti për gazetën Marca.

“Ky është intensiteti që na nevojitet dhe tifozëve u pëlqen. Mund të përsëritet të mërkurën kundër PSG-së”.

🥅 ¡El @realmadrid de @MrAncelotti supera los 4️⃣⚽⚽ goles!#RealFootball pic.twitter.com/TVKqEw2NHi

— Real Madrid C.F. (@realmadrid) March 5, 2022

“Tifozët besojnë më shumë pas kësaj ndeshje. Ideja për të dalë te tifozët në fund erdhi nga lojtarët, sepse të mërkurën na duhen”, përfundoi italiani.

Ndaj PSG-së, Mbretërit do të kenë mungesat e Casemiros dhe Ferland Mendyt shkaku i pezullimit, ndërsa Toni Kroos dhe Federico Valverde janë në luftë me kohen për t’u rikuperuar nga dëmtimet. /Telegrafi/