Analisti rus: Plani për rrëzimin e Putinit ka katër akte – dy të fundit janë vendimtare

Ekziston një plan për ta rrëzuar nga pushteti Vladimir Putinin.

Express.co.uk raporton se plani i supozuar ka katër akte, ku i treti dhe i katërti janë vendimtar.

Portali, përkatësisht, raporton deklaratën e doktor Yuri Felshtinsky, i cili thotë se vdekja e kreut të Wagnerit, Yevgeny Prigozhin, është në të vërtetë fillimi dhe se faza e fundit e planit tani është duke u zhvilluar.

Lexo po ashtu Pasi bisedoi me rusët, Musk çaktivizoi Starlinkun dhe sabotoi një sulm të madh ukrainas?

“23 dhe 24 qershori, ditët e rebelimit, përfaqësonin aktin e parë”, shtoi Felshtinsky, vepra e të cilit përfshin dekada të historisë ruse.

“Rrëzimi i aeroplanit të Prigozhinit, i cili ishte shumë i rëndësishëm sepse u bë personazh publik, së bashku me Dmitry Utkin, ishte akti i dytë”, shtoi ai, duke thënë se është i bindur se së shpejti do të shohim aktin e tretë dhe të katërt.

Felsztinski beson se Putini nuk do të mbijetojë si president shumë më gjatë – ndoshta as deri në dhjetor.

Ndërsa ai nuk është i sigurt se si mund të duken akti i tretë dhe i katërt, ai kujton vdekjen e ish-presidentit rus, Boris Yeltsin, të cilin e pasoi Putin.

“Ne jemi duke pritur për rezultatin në dhjetor të vitit 2023 – edhe nëse Putin nuk jep dorëheqje, do të jetë interesante të shihet nëse ai do të përpiqet të kandidojë për president në vitin 2024″, tha Felsztinski.

Ai shton se imazhi i Putinit ka ndryshuar, “deri në 24 qershor të gjithë besonin se ai ishte shumë i fuqishëm dhe se kontrollonte gjithçka, se ishte shumë i fortë dhe se ishte diktator. Pas kësaj, u bë e qartë për të gjithë se nuk ishte aspak kështu. Tani është e qartë se ka disa forca të fuqishme që Putini më nuk i kontrollon”.

Lexo po ashtu Musk zemëron Kievin - miliarderi akuzohet se kontribuoi në vrasjen e fëmijëve ukrainas

Gjithashtu, Felsztinski beson se FSB tani është plotësisht nën kontrollin e Rusisë dhe do të përcaktojë se çfarë do të vijë më pas. Vetë Putini dikur ishte kreu i FSB-së dhe ishte i rrethuar me ish-agjentë ose ish-kolegë nga KGB-ja, paraardhësi i FSB-së.

“FSB kontrollon dhe sundon Rusinë. I gjithë procesi i zgjedhjeve presidenciale ruse kontrollohet nga FSB me ligj. Që në vitin 2021, Rusia miratoi një ligj që lejon votimin në distancë. Kjo mund të jetë mirë në shumicën e vendeve, por jo për Rusinë: dërgoi në një situatë ku FSB do të ketë mundësinë të shtojë votat e njerëzve që nuk erdhën të votojnë për të zgjedhur kandidatin e tyre të preferuar”, tha ai dhe shtoi se “FSB do të jetë ajo që do të zgjedhë presidentin e ardhshëm të Rusisë”. /Telegrafi/