Zyrtare: KB Peja ndan rrugët me trajnerin Edi Dzelalija

Peja ka njoftuar se ka ndër rrugët më trajnerin kroat Edi Dzelalija me marrëveshje të dy anshme.

Dy humbjet në dy ndeshjet e fundit, kanë bërë që klubi pejan te marr këtë vendim.

“KB Peja dhe trajneri Edi Dzelalija kanë shkëputur marrëveshjen e bashkëpunimit me marrëveshje të dy anshme”.

“Ne falënderojmë trajnerin për punën e tij në këto muaj dhe i dëshirojmë gjithë të mirat në vazhdim të karrierës së tij”.

“Klubi për momentin është në negociata me trajnerë tjerë dhe se shumë shpejt do e zyrtarizojmë  trajnerin e ri”, thuhet në njoftimin e klubit.

Peja pas dhjetë ndeshjeve në Superligën, ka shtatë fitore dhe tri humbje, ku mban pozitën e dytë. /Telegrafi/