Zyrtare: Gjilani blindon me kontratë të re portierin Aridon Bllaca
SC Gjilani ka siguruar një nga lojtarët më premtues të akademisë së vet, duke vazhduar strategjinë e zhvillimit të talenteve vendas.
Klubi bardhekuq ka njoftuar se ka arritur marrëveshje me portierin Aridon Bllaca për vazhdimin e bashkëpunimit edhe për dy vite të tjera.
Rinovimi i kontratës me Bllacën, i cili tashmë ka fituar besimin si një nga portierët më të qëndrueshëm të skuadrës, vjen si sinjal i qartë për stabilitetin dhe ambicien e Gjilanit në sezonet e ardhshme të elitës së futbollit kosovar.
Deklarata e plotë nga SC Gjilani:“Sport Club Gjilani njofton për arritjen e marrëveshjes me portierin Aridon Bllaca, duke e vënë ‘firmën’ edhe për dy vite të tjera.Bllaca i cili njëherit është edhe produkt i akademisë së klubit do të jetë pjesë e kuqebardhëve deri në verën e vitit 2027, duke rinovuar kështu marrëveshjen paraprake.‘Gardiani’ gjilanas numëron 35 paraqitje në elitën e futbollit kosovar dhe numëron 11 porta të paprekura. Në total ai ka zhvilluar 3.039 minuta me ekipin e parë.Drejtori gjeneral i klubit Syart Rrahmani ka uruar Bllacën me rinovimin e marrëveshjes dhe i ka dëshiruar shumë suksese në vazhdimësi.”
Ky hap i radhës tregon besimin që Gjilani ka ndaj futbollistëve të rritur në akademinë e vet, duke i ofruar atyre hapësirë për zhvillim dhe afirmim në skenën vendore.
Rinovimi me Bllacën mund të jetë një prej gurthemelëve të projektit të ri të klubit për edicionin 2025/26.