Zjarr i përmasave të mëdha përfshin fshatin Llakatund në Vlorë, era favorizon flakët

Një zjarr i përmasave të mëdha ka përfshirë mesditën e kësaj të hëne fshatin Llakatund të Vlorës. Siç shihet edhe nga pamjet, flakët kanë marrë përmasa të konsiderueshme dhe kanë dalë jashtë kontrollit, duke u përhapur me shpejtësi.

Problematike paraqitet edhe era, e cila po favorizon përhapjen edhe më të shpejtë të zjarrit. Ndërkohë, nuk raportohet ende për mbërritjen e zjarrfikëses në vendngjarje. /Euronews.al/