Deontay Wilder i njohur ndryshe si 'Bombarduesi i Bronztë' ka reaguar edhe në profilet e tij në rrjetet sociale pas fitores ndaj Luis Ortiz.
Boksieri amerikan ka luftuar ndaj atij kubanez në ndeshjen e vlefshme për titullin e kampionit të WBC-së për pesha të rënda.
Në fund 'Bombarduesi i Bronztë ka arritur të fitoi ndaj Ortiz në rundin e 10 me nokaut teknik, duke e mbrojtur kështu titullin e WBC.
Kjo fitore e ka quar Wilderi në një rekord të madh prej 40 fitoreve nga po kaq ndeshje, duke qenë kështu i pamposhtur, ndërsa 39 fitore kanë ardhur me nokaut.
Me këtë rast, amerikani ia shkaktoi Ortizit humbjen e parë në karrierë pas 28 fitoresh që kishte nga 28 përballje (24 me nokaut).
Pas kësaj fitore, Wilder ka thënë se është i gatshëm të takohet me Anthony Joshua për unifikimin e titujve, teksa e cilësoi veten si njeriun më të rrezikshëm në botë apo edhe njeriu më i keq në planet.
Por, kjo nuk ka mjaftuar dhe 'Bombarduesi i Bronztë' e ka cilësuar veten edhe Mbret në postimin e fundit në profilin privat në Facebook, duke i uruar vetes jetë sa më të gjatë.
"Rroftë sa më gjatë mbreti", ka shkruar Wilder në Facebook-un e tij. /Telegrafi/