Viktima e dhunës seksuale hidhet para trenit, teksa gjithçka transmetohej në internet
11/05/2016
Në Paris të Francës, një adoleshente që ishte dhunuar seksualisht është hedhur para trenit që të bëjë vetëvrasje.
Vaja e paemëruar e ka thirrur emrin e dhunuesit, e më pas është hedhur, ndërsa gjithçka xhironte me kamerën e telefonit, transmeton Telegrafi.
Pamjet e regjistruara transmetoheshin drejtpërdrejt në ‘Periscope’, ku ishin të kyçur më se njëmijë shfrytëzues.
Për disa ditë me radhë, 19-vjeçarja kishte shkruar se nuk ndjehet mirë shkaku i dhunës që kishte përjetuar, dhe se ‘së shpejti do të ketë një befasi’.
Askush nuk i ka marrë seriozisht ankesat e saj, derisa e kanë parë videon e vetëvrasjes.
Policia ka nisur hetime rreth rastit, ndërsa videoja është larguar nga interneti për shkak të përmbajtjes së rëndë. /Telegrafi/