Videoja e ushtares ukrainase që vallëzon në borë merr miliona shikime
08/12/2022
Në internet kanë qarkulluar video të shumta që tregojnë ushtarët ukrainas duke kërcyer, dhe duke marrë pjesë në trende.
Dhe një nga videot më virale duket se është e një ushtareje që bën një “vallëzim të Pikachu-s”, transmeton Telegrafi.
E shpërndarë nga Ministria e Mbrojtjes e Ukrainës në Twitter më 5 dhjetor, videoja tregon një grua e veshur me uniformë ushtarake duke performuar një vallëzim në borë sikurse personazhi i verdhë i Pokemonit. Në sfond dëgjohen edhe të shtënat.
Videoja ka grumbulluar 9.6 milionë shikime që kur u publikua. /Telegrafi/