16/06/2022
Tash e tetë orë, veteranët e luftës së Ushtrisë Çlirimtare të Kosovës janë duke qëndruar para objektit të Kuvendit, duke protestuar në shenjë pakënaqësie për mospërfshirjen e kësaj kategorie në Ligjin për pagën minimale.
Protesta është duke vazhduar ende, edhe pse veteranët morën ftesë për takim me kryeministrin Albin Kurti për të premten në orën 09:00.
Ushtruesi i detyrës së kryetarit të OVL-UÇK-së, Faton Klinaku, tha se në oborrin e Kuvendit do të qëndrojnë derisa të ndërpritet seanca.
E tashmë kur pritet që protesta të përfundojë, një nga veteranët protestues është parë duke mbledhur mbeturinat e hedhura në oborr të Kuvendit./Telegrafi/
