Tottenham Hotspur është duke humbur nga Liverpooli në kuadër të finales së Ligës së Kampionëve me rezultat 0-1.
Mohamed Salah shënoi në minutën e 2-të, pas prekjes me dorë të topit nga ana e Moussa Sissokos në zonën e rreptësisë, duke shënuar kështu golin e dytë më të shpejtë në histori të garës më të madhe për klube në Evropë.
Por, Harry Kane duket se nuk është plotësisht i gatshëm, pasi po has në vështirësi në fushë, shkaku i lëndimit që ka pësuar javë më parë.
Sulmuesi anglez ka pasur vetëm 11-të prekje në pjesën e parë të ndeshjes, më pak se çdo lojtarë tjetër i Tottenhamit.
Deri më tani, Harry Kane nuk ka arritur ta tregojë vetën në këtë finale, e që me gjasë Mauricio Pochettino do të reagojë duke e futur Lucas Mouran në vend të tij. /Telegrafi/
