Veseli: Të gjithë e kanë pritur lirimin e Haradinajt

Kryetari i Kuvendit të Kosovës, Kadri Veseli ka shkruar se vendimi i Gjykatës në Colmar të Francës për lirimin e Ramush Haradinajt është lajm i gëzueshëm, të cilin të gjithë e kanë pritur të ndodhë.

“Ndalimi i tij, mbi bazën e një urdhër-arresti ndërkombëtar të lëshuar nga Serbia, ishte i papranueshëm dhe raste të tilla nuk duhet të përsëriten më. Z. Haradinaj i uroj kthim të mbarë në familje dhe vendin e tij”, ka shkruar ai në facebook. /Telegrafi/