Këngëtarja e njohur Tuna së fundmi ka bërë bujë të madhe me paraqitjen e saj në festivalin "Kënga Magjike", ku arriti të performojë në natën e dytë live këngën e saj konkurruese "Duam".
Interpretimi i saj ishte i shkëlqyer, teksa nuk munguan as duartrokitjet e zjarrta nga publiku.
Pas mbarimit të spektaklit në një intervistë për "In TV", këngëtarja ka rrëfyer emocionet pas performancës, si dhe i është përgjigjur një pyetje mjaft interesante, që gjithmonë ka zgjuar kuriozitet tek fansat.
E pyetur se cilën këngë do ta shlyente nga repertori i saj, Tuna u përgjigj se "Holla" është kënga që do ta fshinte, ngase nuk i pëlqen.
Kjo këngë është realizuar në duet me ish-të dashurin e saj reperin Cozman në vitin 2015, teksa këngëtarja në atë kohë ka qenë mjaft e kënaqur me suksesin e kësaj kënge. /Telegrafi/