Trump rrëfen momentin e evakuimit pas të shtënave në darkën e Shtëpisë së Bardhë

Presidenti amerikan, Donald Trump, ka përshkruar momentin kur ai dhe gruaja e tij Melania u rrëmbyen nga agjentët e shërbimit sekret, pasi u dëgjuan të shtëna me armë gjatë darkës së korrespondentëve të Shtëpisë së Bardhë të shtunën në mbrëmje.

I pyetur pse dukej se i duhej më shumë kohë atij për t'u evakuuar sesa zëvendëspresidentit JD Vance, ai tha: "Epo, ajo që ndodhi është se isha paksa unë. Doja të shihja se çfarë po ndodhte".

"Dhe nuk po ua bëja aq të lehtë. Doja të shihja se çfarë po ndodhte", shtoi ai.

Presidenti më pas kujtoi: "Isha në këmbë dhe pastaj u ktheva në drejtim të kundërt".

"Dhe fillova të dal - pak i përkulur, sepse, e dini, nuk dua të qëndroj shumë i gjatë", vazhdoi Trump.

Ndryshe, sipas rrjetit amerikan NBC News, i dyshuari për të shtënat në Darkën e Korrespondentëve të Shtëpisë së Bardhë u dërgoi një shënim anëtarëve të familjes së tij para të shtënave.

Në të, Cole Allen u kërkoi falje prindërve të tij, si dhe kolegëve dhe kalimtarëve, për atë që ishte gati të bënte. /Telegrafi/