Trajneri i Barcelonës, Quique Setien ka thënë se rregullat e reja për të vazhduar edicionin 2020/21 nuk do të ndihmojnë La Liga-n.
Liga spanjolle do të rikthehet më 11 qershor, ndërsa do të ketë rregulla të reja gjatë zhvillimit të një ndeshje.
Njëra ndër rregullat e reja do të jetë edhe ajo e pesë zëvendësimeve të lejuara brenda një takimi, derisa më parë ishin tri.
Sidoqoftë, Setien beson se kjo rregull nuk do të ndihmojë La Liga-n në rikthimin e saj.
“Mendoj se rregulla më pesë zëvendësime do të na lëndojë më shumë”, ka thënë ai në një intervistë për Marca.
“Kemi fituar shumë në minutat e fundit në këtë edicion. Sidoqoftë, rivalët tonë tani do të jenë më të kujdesshëm me to dhe do t’i shfrytëzojnë në minutat e fundit ato nëse janë duke barazuar apo fituar”, ka shtuar më tej Setien.
Skuadra e tij në këtë edicion ka marrë fitore të vështira ndaj Granadas dhe Real Sociedadid, me Lionel Messin që kishte shënuar golat. /Telegrafi/