Torino fitoi ndaj Milanit në xhiron e 34 në Serie A me rezultat 2-0.
Ishte një ndeshje me raste nga të dy anët, por në fund fituan vendasit që u treguan konkret para portës kundërshtare.
Pjesa e parë ishte e heshtur dhe me pak raste dhe pa gola. Të dytën Torino e filloi mirë dhe në minutën 58-të Andrea Belotti shënoi nga pika e bardhë.
Nuk kaloi shumë dhe vendasit shënuan edhe golin e dytë me anë të Alejandro Berenguer (69').
Nga minuta e 83-të kuqezinjtë ishin me një lojtar më pak pasi Alessio Romagnoli mori kartonin e dytë të verdhë.
Pas kësaj fitore Torino ngjitet në vendin e pestë me 56 pikë (dy më pak se Roma në vendin e katër), aq sa Milani një pozitë më poshtë.
Në xhiron e radhës Toro luan ndaj Juventusit, kurse Milani kundër Bolognas. /Telegrafi/