Tigri i cirkut lidhet për tavolinë, që pranë tij të pozohet për fotografi (Video)

Në një cirk në Hunan të Kinës, vizitorët kanë pasur rastin të pozojnë pranë një tigri të lidhur dhunshëm për tavolinë.

Në videon e postuar më poshtë, mund të shihen stërvitësit, që ia lidhin gjymtyrët kafshës së egër, ndërsa ia shtypin kokën për platforme, transmeton Telegrafi.

Më pas, pranë krijesës që është shumë e rrallë, shkojnë shumë njerëz që ta prekin dhe të bëjnë nga një fotografi.

Në momentin që dy fëmijë nisin të qajnë nga frika, nëna e tyre i inkurajon të qëndrojnë aty dhe të mos bëjnë panik.

Mbrojtësit e të drejtave të kafshëve, kanë kërkuar që të ndalohen ky veprim i stërvitësve të cirkut dhe kafsha të lëshohet menjëherë në liri.

Në anën tjetër, sipas një besimi kinez tigri konsiderohet si rimishërim i Perëndisë së Pasurisë dhe çdo kontakt me të, konsiderohet se sjellë të mira dhe begati. /Telegrafi/