Thaçi: Kosovës t’i hapet perspektiva euroatlantike
Presidenti i Kosovës, Hashim Thaçi, gjatë vizitës që po zhvillon në Britaninë e Madhe, sot ka mbajtur një ligjëratë në Universitetin e Oxfordit.
“Në Universitetin e Oxfordit bashkëbisedova me shumë studentë për Kosovën dhe rrugëtimin tonë drejt pavarësisë”, ka shkruar Thaçi në Facebook.
Ai ka theksuar se është koha e duhur që Kosovës t’i hapet perspektiva euroatlantike
Postimi i plotë:Në Universitetin e Oxfordit bashkëbisedova me shumë studentë për Kosovën dhe rrugëtimin tonë drejt pavarësisë. Para studentëve dhe profesorëve të Universitetit të Oxfordit fola për zhvillimet aktuale në Kosovë, për procesin e shtetndërtimit dhe për domosdoshmërinë për vazhdimin e dialogut me Serbinë dhe arritjen e një marrëveshjeje.Është koha e duhur që Kosovës t’i hapet perspektiva euroatlantike. Studentët ishin të interesuar për gjendjen ekonomike, perspektivën e të rinjëve dhe pozitën komuniteteve jo shumices në Kosovë.Kosova, me kushtetutë dhe ligje prinë për të drejtat afirmative të komuniteteve. Kosova është vend i mundësive për investime dhe për kthimin e ekspertëve, që po shkollohen në Britani të Madhe dhe universitete tjera të botës. Britania e Madhe, si fuqi globale ka qenë dhe do të mbetet partner strategjik i Kosovës. /Telegrafi/