Nesër (e enjte) do të nisë procesi i votimit të anëtarëve të jurisë për çmimin e Akademisë së Filmit, “Oscars 2022”.
Kosova për herë të parë është futur në listën e ngushtë në kategorinë “Filmi më i mirë ndërkombëtar” me “Hive” (Zgjoi).
Derisa është nisur një fushatë promovimi në rrjete sociale, përkrahje për këtë ka dhënë edhe këngëtarja shqiptare me famë botërore, Dua Lipa.
Ylli nga Kosova ka shpërndarë në InstaStory postimin që regjisorja Blerta Basholli ka publikuar në Instagram.
Krijuesja e hitit “Levitating” ishte takuar personalisht me Blertën dhe aktoren Yllka Gashi në kohën kur filmi kishte premierën në Washington DC.
E njëjta madje inkurajoi të gjithë ta shihnin filmin dhe se që atëherë shprehu dëshirën për Oscars.
Votimi i nominimeve ndërkohë fillon të enjten, më 27 janar dhe përfundon të martën, më 1 shkurt, gjersa më 8 shkurt do të bëhet e ditur lista finale e nominimeve. /Telegrafi/