29/11/2020
Warner Bros e ka konfirmuar lajmin se Mads Mikkelsen do ta portretizojë Gellert Grindelwaldin në vazhdimin e tretë të filmave "Fantastic Beasts 3".
Në këtë mënyrë, ai do ta zëvendësojë protagonistin e dy filmave të mëparshëm, Johnny Depp.
Këtë rol është dashur ta luante hamshori hollivudian, mirëpo ai është detyruar të heqë dorë nga ky projekt.
Depp ka luajtur në dy filmat e mëparshëm, mirëpo pasi e humbi procesin gjyqësor për shpifje ndaj The Sun lidhur me keqtrajtimin e ish-bashkëshortes Amber Heard, Warner Bros i kërkoi që të tërhiqet nga roli.
Warner Bros konfirmoi të martën mbrëma se Mikkelsen do të jetë ylli i filmit që në kinema do të arrijë më 15 korrik 2022. /Telegrafi/