Sydney Sweeney shkëlqeu në premierën e filmit të saj të ri Christy, duke zbuluar një model flokësh tërësisht të ri dhe më të guximshëm.
Aktorja 28-vjeçare mori pjesë në premierën madhështore të mbajtur në Los Angeles të shtunën, ku mahniti me elegancën dhe freskinë e pamjes së saj.
Sweeney u shfaq me një prerje flokësh bob të valëzuar, në një nuancë bionde më të çelët, që i binin lehtë mbi supe, shkruan DailyMail.
Ky ndryshim i papritur erdhi vetëm pak ditë pas paraqitjeve të saj me flokë të gjata në ngjarje të tjera, duke treguar guximin e saj për të eksperimentuar me stilin.
Aktorja e “Euphoria” zgjodhi një fustan rozë të çelët me dekolte të thellë dhe detaje delikate me lule, duke kombinuar minimalizmin me një ndjesi klasike hollivudiane.
Grimi i saj ishte i butë dhe rrezatues, me nuanca natyrale dhe shkëlqim të lehtë në mollëza.
Filmi Christy, i drejtuar nga David Michod, tregon historinë e ish-boksieres Christy Martin. Për këtë rol, Sweeney shtoi 15 kilogramë dhe u përgatit fizikisht me ndihmën e një nutricionisti dhe trajnerësh profesionistë.
“Ne rritëm marrjen e kalorive dhe fillova të haja shumë për të ruajtur energjinë gjatë stërvitjeve. Ishte një sfidë e madhe, por ia vlejti,” tha ajo për Variety.
Edhe pse filmi ka marrë reagime të përziera nga kritikët, performanca e Sweeney është vlerësuar për përkushtimin dhe fuqinë emocionale.
The Times i dha filmit katër yje, duke e quajtur “një projekt të mirëfilltë”, ndërsa aktorja u nderua me Çmimin për Arritje në Aktrim në Festivalin e Filmit në Hamptons.
Christy pritet të shfaqet në kinema më 7 nëntor, ndërsa Sydney Sweeney vazhdon të mbetet një nga figurat më të përfolura dhe të admirueshme të Hollywood-it, si në ekran ashtu edhe jashtë tij. /Telegrafi/