Përqendrimi i Netflix në përmbajtjen globale është shpaguar në një mënyrë të madhe me “Squid Game”, e cila është bërë jo vetëm shfaqja e 1 në vendin e saj Kore dhe në Shtetet e Bashkuara të Amerikës, por momentalisht është shfaqja numër 1 në të paktën 90 vende të ndryshme të botës.
Ky informacion vjen përmes një raporti të bërë nga Vulture që ndjek suksesin e shfaqjes, për të cilën Netflix ka thënë se është në ritëm për t'u bërë seriali i saj më i madh i të gjitha kohërave, duke mposhtur “Bridgerton”, “Lupine” dhe “The Witcher”.
Edhe pse nuk është e pazakontë që shfaqjet në gjuhën angleze të kryesojnë listat në vendet e tjera në të gjithë botën, “Squid Game” si një seri koreane është mjaft e jashtëzakonshme. Është definitivisht përkufizimi i një ndjesie virale, duke befasuar edhe Netflix me performancën e tij.
Shfaqja ka marrë plotësisht vëmendjen e medieve sociale, duke shfaqur fiksimin e sotëm me lojërat.
Seriali, i përqendruar në një lojë brutale të mbijetesës, është në rrugën e tij për të mposhtur seriale të famshme edhe si “La Casa de papel”.
[related-to url="https://telegrafi.com/eshte-gati-te-kthehet-ne-serialin-te-shikuar-ne-netflix-per-cfare-behet-fjale-ne-te-shumeperfolurin-squad-game/
Mediat perëndimore gjithashtu kanë bërë krahasime midis “Squid Game” dhe “Parasite”, filmi fitues i çmimit “Oscar” në vitin 2019 që gjithashtu shikoi pabarazinë e pasurisë dhe padrejtësinë e shoqërisë.
Përfundimi i këtij seriali lë të nënkuptohet se do ketë një sezon të dytë, por fansat duket se do të presin gjatë për të.
Regjisori Hwang Dong-hyuk u shpreh qartë se: “Nuk kam plane. Është mjaft e lodhshme vetëm të mendosh për një gjë të tillë”. /Telegrafi/
