Luciano Spalletti e ka mirëpritur Radja Nainggolanin te Interi duke thënë se ai është lojtari që i ka munguar formacionit të tij.
Mesfushori belg është ribashkuar me trajnerin e dikurshëm te Roma dhe është pritur nga shumë tifozë në Milano, ku gjatë të hënës do t'i kryejë ekzaminimet mjekësore.
Nerazzurrët do të paguajnë 24 milionë euro për 30-vjeçarin, si edhe Davide Santon e Nicolo Zaniolo do të shkojnë në Stadio Olimpico.
"Ai është turbina që na mungonte, koka shtesë e energjisë. Është për t'u gëzuar fakti se kur Roma e nxori në treg, ai na zgjodhi neve".
"(Lojtari) posedon gjithçka për t'u përballur me cilindo kundërshtar. Ai është Ninja. Është po ashtu kënaqësi për lojtarët kur masa e njerëzve dalin për ta mbështetur Interin në secilin stadium, sepse dashuria shkon mbi rezultatin", ka deklaruar Spalletti për Sky Sport Italia.
Gjatë këtij afati kalimtar, zikaltrit kanë siguruar edhe shërbimet e Stefan de Vrij (Lazio) dhe Kwadwo Asamoah (Juventus) si lojtarë të lirë.
Spalletti ka konfirmuar se me transferimin e tyre ka vendosur të luajë me tre mbrojtës. /Telegrafi/