Sokol Cikalleshi vjen nga stoli, gol dhe asistim në fitoren e Konyaspor

Sulmuesi i Kombëtares së Shqipërisë, Sokol Cikalleshi, ka vazhduar me formën e mirë në kampionatin turk.

Cikalleshi u fut në fushë në minutën e 60’ në ndeshjen Konyaspor-Kasimpasa.

Katër minuta më pas ai zhbllokoi takimin, duke kaluar në avantazh skuadrën vendase për 1-0.

33-vjeçari shfrytëzoi një pasim të bukur nga e majta dhe dërgoi topin në rrjetë.

Cikalleshi nuk u ndal dhe 13 minuta përpara fundit dhuroi asistin e golit të dytë në ndeshje, ku braziliani Guilherme shënoi për 2-0.

Ky është goli i pestë sezonal në Superligën e Turqisë për sulmuesin shqiptar, ndërsa ka edhe dy asistime. /Telegrafi/