19:"© Wikimedia Common
28/04/2017
Në Irlandë janë mbi 100 skulptura të quajtura Sheela-na-gigs, ku shfaqen gra të cilat tregojnë pjesën e tyre të ekzagjeruar.
Pos që dihet se janë mesjetare, nuk dihet pse janë gdhendur këto figura në disa kisha dhe puse të shenjta, transmeton Telegrafi.
Disa shkencëtarë mendojnë se janë shenjë për pjellori, kurse të tjerë besojnë se është gruaja e Shën Patrikut, që është i shenjti mbrojtës i Irlandës.
“Gruaja e Shën Patrikut quhej Sheela dhe kjo është e vetmja lidhje që ka me të. Këto skulptura mund të kenë ndonjë kuptim tjetër”, ka thënë një hulumtuese që merret me folklorin e vendit.
Figurat që mund të gjenden në tërë shtetin, që konsiderohen se kanë përmbajtje mjaft eksplicite, nuk janë parë edhe në ndonjë vend tjetër. /Telegrafi/