Anthony Joshua nuk do të mund të mbrojë titullin në muajin qershor kundër Kubrat Pulevit, shkaku që përballja mes tyre është shtyrë.
Meçi i peshave të rënda do të zhvillohej më 20 qershor në stadiumin e Tottenham Hotspurit, mirëpo nuk do të mbahet.
Promovuesi i AJ, Eddie Hearn ka paralajmëruar datën 25 korrik si ditën kur mund të zhvillohet meçi, mirëpo nuk është zyrtare.
"Mbrojtja e titujve IBF, WBA, WBO dhe IBO në peshat e rënda për Anthony Joshuan kundër sfiduesit Kubrat Pulev që do të zhvillohej më 20 qershor në Tottenham Hotspur Stadium është shtyrë", ka thënë ai.
"Një datë e re do të vendoste në takimin e kryesisë së boksit dhe ajo do të mbahet në ditët në vazhdim".
"Ne do të tregojmë se kur do të mbahet përballja, derisa po tentojmë që ajo të zhvillohet në stadiumin e Tottenhamit", ka shtuar më tej ai.
Në rast se nuk arrihet marrëveshja për stadiumin e Spurs, atëherë si alternativa janë edhe Wembley, Principality Stadium i Cardiffit. /Telegrafi/