David Beckham është konsideruar gjithmonë si një nga futbollistët me dukje joshëse, mirëpo ai ka bërë një transformim të madh në dukej për një rol filmik.
Anglezi i famshëm do të luajë në versionin e ri të filmit për mbretin Arthur, prandaj me ndihmën e makijazhit ka bërë një ndryshim në fytyrën e tij.
Ai e ka publikuar në Instagram një fotografi, ku shfaqet me një shenjë plage të madhe në kokë dhe në fytyrë, ndërsa ka dhëmbë të prishur.
“Punë e vështirë në zyrë. Filmi ‘King Arthur’, Guy Ritchie”, ka shkruar ish-lojtari i Manchester Unitedit, Real Madridit dhe Milanit në përshkrimin e fotografisë.
Filmi i ri mban titullin “King Arthur: Legend of the Sword”, regjinë e të cilit është duke e bërë Guy Ritchie, ndërsa në rol kryesor është Charlie Hunnam. /Telegrafi/