11/01/2021
Një urë është shembur në fshatin Drejë, të komunës së Istogut si pasojë e vërshimeve që kanë ndodhur në këtë zonë.
Në fotografitë e dërguara në adresë të Telegrafit, shihet se uji ka dëmtuar pjesë të urës, e cila tashmë është dëmtuar shumë dhe është e pakalueshme.
Nuk dihet nëse në këtë zonë ka ndonjë rrugë alternative e cila mund të shfrytëzohet nga banorët e fshatit.
Ndryshe, pas reshjeve të ditëve të fundit vendi është duke u përballur me vërshime, ku në disa regjione qarkullimi është vështirësuar, bodrumet e shtëpive janë mbushur me ujë dhe janë evakuuar familjet. /Telegrafi/
