Liverpooli ka arritur të përmbys rezultatin e ndeshjes së parë 3-0, për t'u kualifikuar në finale të Ligës së Kampionëve pas triumfit në takimin e dytë 4-0 kundër Barcelonës.
E pjesë e këtij triumfi ishte edhe sulmuesi i The Reds, Xherdan Shaqiri, i cili ishte asistues në një prej golave të anglezëve.
Futbollisti shqiptar thotë se nuk po ndalet së shijuari takimin, reprizën e së cilës e ka shikuar tashmë disa herë.
"Ishte vërtet e pabesueshme ajo që arritëm", tha reprezentuesi zviceran duke shtuar "Ishte thjesht mahnitëse. E kam parë disa herë lojën!".
"Ishte një ndjenjë e mirë për t'u përfshirë në një lojë të tillë. Kjo nuk ndodh çdo ditë dhe ne kurrë nuk do ta harrojmë këtë takim. Stadiumi ishte i zëshëm në fund të lojës, ishte e pabesueshme. Tifozët e meritonin këtë dhe shpresoj se mund t'u japim titullin e Ligës së Kampionëve", pohoi lojtari.
Ndryshe, Liverpooli në finalen e madhe do të takohet me Tottenham Hotspursin, e cila ndeshja do të zhvillohet më 1 qershor në stadiumin madrilen të Wanda Metropolitano. /Telegrafi/