Scott Eastwood ka treguar se çfarë ka mësuar nga babai i tij, aktori dhe regjisori i njohur, Clint Eastwood, për mënyrën se si duhet të sillesh në xhirime.
Scott rrëfeu se babai i tij është gjithmonë i qetë, i përmbajtur dhe nuk e ngre zërin, por ka një rregull shumë të rëndësishëm: të gjithë duhet të jenë në sheshxhirim dhe të punojnë si pjesa tjetër e ekipit.
Ai tregoi një histori nga xhirimet e filmit “A Perfect World”, ku Clint Eastwood punoi me Kevin Costner.
Në atë kohë, Costner ishte në kulmin e famës dhe, sipas Scott, nuk donte të dilte nga karvani i tij.
Kjo nuk i pëlqeu aspak Clintit, i cili nuk i toleron privilegjet e tilla në xhirime.
Clint thuhet se kërkoi që Costner të largohej në shtëpi, edhe pse duhej të merrte pjesë në një skenë.
Sipas Scott, Costner u kthye që të nesërmen dhe ishte gati për punë.Scott tregoi gjithashtu një nga këshillat kryesore që ka marrë nga babai i tij për aktrimin: të jesh i përgatitur, të thuash të vërtetën, ta bësh punën dhe të mos e komplikosh më shumë se ç'duhet.
Clint nuk ka qenë kurrë person që filozofon shumë për industrinë e filmit dhe i ka mësuar të birit se puna duhet të flasë vetë.
Scott pranoi se, edhe pse e pëlqen aktrimin dhe tregimin e historive, nuk është ndier gjithmonë plotësisht pjesë e botës së aktorëve.
Megjithatë, thotë se në fund gjithçka përmblidhet te puna, përgatitja dhe profesionalizmi. /Telegrafi/