Alexis Sanchez pret të largohet sa më shpejt nga Manchester Unitedi dhe të bashkohet me klubin francez, Paris Saint-Germain.
Sulmuesi kilian nuk është aspak i lumtur me situatën e tij te Unitedi dhe shpreson për një largim nga Old Trafford këtë dimër.
Sipas mediumit The Mirror, Sanchez shpreson për një largim nga nga Manchester United, me Paris Saint-Germain në krye të listës së dëshirave të tij.
Sanchez ka mbetur poshtë në hierarkinë e sulmuesve në Old Trafford dhe është lodhur nga kritikat e Jose Mourinho ndaj tij, kështu që dëshiron largimin.
Ish-sulmuesi i Arsenalit thuhet se i ka angazhuar edhe agjentët e tij të kërkojnë nga drejtuesit e klubit anglez një largim të mundshëm në mes të sezonit.
PSG është një nga klubet e pakta që mund të përballojnë pagën e Sanchezit dhe të paguajnë një tarifë transferimi, të cilën United dëshiron.
Por, sipas mediave angleze, edhe klubet në Spanjë dhe Itali gjithashtu mbeten mundësi ideale për transferimin e Sanchezit.
Ndryshe, 29-vjeçari deri më tani ka zhvilluar vetëm tetë ndeshje në të gjitha garat dhe ka shënuar një gol. /Telegrafi/