11/01/2022
Bora që ka rënë këtyre ditëve ka vështirësuar edhe më shumë lëvizjen e qytetarëve nëpër trotuare, të cilat nuk janë pastruar siç duhet. Vështirësi në komunikacion janë duke pasur edhe shoferët, ku disa nga veturat edhe kanë mbetur në borë.
E përkundër situatës me borë, disa shoferë edhe gjatë kësaj kohe bëjnë lëvizje të pa kontrolluara gjatë vozitjes, duke rrezikuar kështu edhe pjesëmarrësit tjerë në komunikacion.
Në redaksinë e Telegrafit ka arritur një video ku shihet se një shofer i një kamioni në Ferizaj ka rrezikuar qytetarët, duke lëvizur kohë pas kohe në dy kahjet e rrugës.
Ndryshe, Policia ka kërkuar nga qytetarët që të jenë të kujdesshëm gjatë vozitjes, pasi që rrugët mund të jenë me ngrica. /Telegrafi/