Vera është koha për të udhëtuar, por një nga momentet më të pakëndshme që mund t'ju prishë kënaqësinë e drejtimit të makinës jashtë vendit është kur shihni një automjet me drita rrotulluese në pasqyrën e pasme – atëherë e dini se keni thyer një rregull trafiku që ndoshta as nuk e dinit se ekzistonte...
Pastaj ndal veturën anash rrugës dhe e di çfarë vjen më pas. Është gjithmonë një gjobë mjaft e lartë, kryesisht në euro, të cilën keni planifikuar ta shpenzoni në një park zbavitës ose për një porcion peshku deti.
Ne kryesisht i kuptojmë shenjat e trafikut - nëse shkruan 60 në një tabelë të bardhë të rrumbullakët me një kufi të kuq, sigurisht që do ta kuptojmë që të mos e ngasim veturën më shpejt se 60 km/orë. Megjithatë, në shumë vende evropiane ka rregulla në fuqi që nuk janë të zakonshme, prandaj tani do t'ju njohim me disa prej tyre, transmeton Telegrafi.
Rregulla të pazakonta trafiku në të gjithë Evropën
Shqipëria
Sasia e lejuar e alkoolit në gjak është 0.01 promil, që është praktikisht e njëjtë me një ndalim të plotë. Sa e saktë është kjo? Epo, pak a shumë një gllënjkë birre ose thjesht një shikim te pijet alkoolike...
Bjellorusia, Bullgaria, Rusia dhe Rumania
Nëse drejtoni një automjet të palarë dhe të ndyrë - do të gjobiteni. Bullgari. Në rrugët me një drejtim, parkimi lejohet vetëm në anën e majtë.
Qipro
Është i ndaluar përdorimi i sirenave në zonat e banuara dhe pranë spitaleve. Shoferëve u ndalohet të hanë në automjet. Gjithashtu është e ndaluar të shprehësh pakënaqësi me duar - duke përfshirë drejtimin e gishtit të mesëm, tundjen kërcënuese dhe pjesën tjetër të arsenalit tonë të pasur të fyerjeve dhe gjesteve joverbale.
Francë
Është e ndaluar të vësh kufje. Kjo vlen si për programet argëtuese ashtu edhe për ato informative - pra, kufjet bluetooth, kufjet muzikore... Nëse shoferët nga drejtimi i kundërt ndezin dritat, kjo nuk do të thotë se janë të sjellshëm dhe do t'ju lejojnë të kaloni - e bëjnë këtë sepse duan të jenë të parët që kalojnë. Sasia e lejuar e alkoolit është 0.02%. Gjithashtu, duhet të keni një alkotest në makinën tuaj, i cili mund të merret në çdo pikë karburanti.
Greqi
Është e ndaluar të ngasësh makinën me cigare të ndezur. Islandë. Nuk lejohet të ngasësh makinën mbi makadam, përveç nëse ndodhesh në një parking të shënuar.
Maqedoni e Veriut
Pasagjeri në sediljen e përparme duhet të jetë gjithashtu i kthjellët.
Gjermani
Nëse vozisni ngadalë në autostradë - do të gjobiteni. Nëse u bëni gjeste shoferëve të tjerë me kërcënime - gjobiteni 500 euro. Ndërsa prisni në kryqëzimin hekurudhor, duhet ta fikni motorin. Nëse të mbaron benzina në autostradë - do të gjobiteni.
Portugali
Është e ndaluar të kesh një bombol benzine në automjet.
Rusi
Është e ndaluar të merrni persona që udhëtojnë autostop.
Slloveni
Kur lëvizni mbrapsht, është e detyrueshme të ndizni të katër sinjalet e kthesës.
Spanjë
Nëse mbani syze për drejtimin e automjetit, duhet të keni edhe një palë syze rezervë në automjet – e njëjta gjë vlen edhe për Portugalinë dhe Zvicrën.
Zvicër
Është e ndaluar të lani makinat të dielave. Pra, në Gjenevë, Bernë... do të duhet të gjesh një pasion tjetër.
Disa rregulla të tjera të pazakonta nga vende të tjera
Danimarka - Nuk mund ta ndezësh automjetin nëse dikush është poshtë tij.
Japoni- Do të gjobiteni nëse udhëtoni me një shofer të dehur si pasagjer i kthjellët.
Zvicër- Është e ndaluar të përplasësh derën e makinës, laje automjetin të dielave.
/Telegrafi/