13/06/2017
Prokurorët spanjollë e kanë akuzuar Cristiano Ronaldon për mashtrim me miliona euro në tatime.
Zyra e Prokurorit në Madrid ka ngritur padi kundër superyllit portugez. Ai është akuzuar për evazion fiskal të 14.7 milionë eurove në periudhën 2011-2014.
Sportisti më i paguar në botë ka thënë më herët se nuk është i shqetësuar për këtë gjë, sepse nuk ka asgjë për të fshehur.
Dokumentet gjyqësore thonë se Ronaldo iu është shmangur tatimeve nga të hyrat që i ka mbajtur në llogaritë jashtë Spanjës.
Ndryshe, Ronaldo është shpallur sportisti më i paguar në botë, i cili sipas Forbes, nga pagat, reklamat dhe sponsorimet ka përfituar 93 milionë dollarë në vitin që lamë pas. /Telegrafi/